Hádegistónleikaröð hefst á Breið

Hádegistónleikaröð menningarfélagsins Bohéme hófst með glæsibrag í síðustu viku á Breið þegar söngkonan Halla Jónsdóttir kom fram ásamt Heiðmari Eyjólfssyni.

Halla er fædd og uppalin á Akranesi þar sem tónlist hefur ávallt skipað stóran sess í lífi hennar bæði innan heimilis og utan. Á tónleikunum flutti hún falleg lög, bæði eftir sjálfa sig og aðra höfunda og var flutningnum afar vel tekið af góðum hópi gesta sem mætti í hádeginu. Halla vinnur nú að útgáfu sinnar fyrstu plötu sem væntanleg er í haust.