Viðurkenning frá Íslenska sjávarklasanum

Á dögunum fékk Valdís Fjölnisdóttir, framkvæmdastjóri Breiðar þróunarfélags viðurkenningu frá Íslenska sjávarklasanum fyrir ötult frumkvöðlastarf í nýsköpun.

Er það mikil viðurkenning fyrir Breið þróunarfélag og starf allra þeirra sem komið hafa að þessu frábæra verkefni.

Sjá nánar tilvitnun frá Íslenska sjávarklasanum:

"Breið hefur náð ótrúlegum árangri í að byggja upp stemmingu á Akranesi fyrir nýsköpun og samstarfi m.a. í tengslum við bláa hagkerfið. Vinnslurými Breiðar, þar sem fyrirtæki hafa getað gert tilraunir, hafa verið mjög mikilvæg viðbót fyrir sprotafyrirtæki. Þannig aðstöðu hefur Sjávarklasinn ekki haft á sínum snærum og því hefur Breið fyllt upp í mikilvægt skarð í þeim efnum fyrir sprota. Valdís hefur sýnt að klasar eiga erindi um allt land og geta aukið verðmætasköpun og kraft."

https://www.stjornarradid.is/efst-a-baugi/frettir/stok-frett/2024/05/16/Matvaelaradherra-afhenti-vidurkenningar-fyrir-nyskopun-innan-blaa-hagkerfisins/