Hvað er Breið þróunarfélag?

Samvinnuverkefni Akraneskaupstaðar og Brims hf.

Þróunarfélagið er samvinnuverkefni Akraneskaupstaðar og Brims hf. sem hefur það markmið að byggja upp og styðja við atvinnuppbyggingu og nýsköpun á Akranesi til framtíðar.
 

Eigendur félagsins

Eigendur félagsins eru Akraneskaupstaður og Brim og snýr starfsemi félagsins að Breiðinni á Akranesi en Brim á stærstan hluta lóða og fasteigna á Breiðinni en Akraneskaupstaður kemur þar næst á eftir.
 

Stjórn félagsins

Stjórnarformaður félagsins er Gísli Gíslason og framkvæmdarstjóri er Valdís Fjölnisdóttir.
í stjórn sitja Inga Jóna Friðgeirsdóttir, fjármálastjóri Brims og Sævar Freyr Þráinsson, bæjarstjóri Akraneskaupstaðar. 

 

Hlutverk félagsins

Félaginu er ætlað að efla atvinnutækifæri, nýsköpun og skapandi greinar á svæðinu og þá er gert ráð fyrir nýrri íbúabyggð á Breið. Gert er ráð fyrir áfangaskiptri uppbyggingu til langs tíma þar sem lagt verður upp með uppbyggingu í ferðaþjónustu, heilsu og hátækni. Brim og Akraneskaupstaður eiga meirihluta lóða og fasteigna á Breið þar sem liggja einstök tækifæri til uppbyggingar.

Samstarfsaðilar og verndari verkefnsins

Í tilefni af stofnun félagsins sumarið 2020 tók Þórdís Kolbrún R. Gylfadóttir, iðnaðar- og nýsköpunarráðherra, að sér að vera sérlegur verndari verkefnisins og skrifað undir viljayfirlýsingu um fyrsta verkefni þróunarfélagsins um stofnun rannsóknar- og nýsköpunarseturs auk samvinnurýmis á Breið.

Auk Þórdísar lýstu eftirfarandi aðilar yfir vilja sínum til að eiga samstarf um að á Akranesi byggist upp nýsköpunar- og rannsóknarsetur auk samvinnurýmis.
Þar verður áhersla lögð á þróun og hátækni í tengslum við atvinnulíf á Vesturlandi, á sviði rannsókna, sjávarútvegs, snjalltækni, landbúnaðar, orkufreks iðnaðar, heilbrigðis- og ferðaþjónustu og skapandi greina. Atvinnuvega- og nýsköpunarráðuneytið, Akraneskaupstaður, Álklasinn, Brim, Coworking Akranes, Fasteignafélagið hús, Faxaflóahafnir Fjölbrautaskóli Vesturlands, Háskólinn á Bifröst Háskóli Íslands Heilbrigðisstofnun Vesturlands, Landbúnaðarháskóli Íslands; Matís, Samtök Sveitafélaga á Vesturlandi, Skaginn 3X og  Þróunarfélagið á Grundartanga.

Fyrirspurn

Breið þróunarfélag, Bárugötu 8-10, 300 Akranes -   Sími: 694-3388 -  

  • Facebook
  • Instagram
  • Twitter