Þróunaráætlun fyrir Breiðina

Viltu vita meira um áform á Breiðinni á Akranesi?

Ávinningur fyrir einn er ávinningur fyrir alla!

Uppbygging á Breið og nágrenni mun skila sér í sjálfbærum ávinningi fyrir Akranes í heild og skapa jákvæða og metnaðarfulla mörkun fyrir Akranes með tengingu við menningu og náttúru svæðisins. 

1. Heimaskagi - Nýsköpun & fyrirtæki

Í húsum í grennd við höfnina verður frumkvöðlum og nýsköpunarfyrirtækjum sköpuð aðstaða. Lögð verður áhersla á rannsóknir tengdar snjalltækni, lífriki hafsins og súrnun sjávar.  Jafnframt verður boðið upp á samvinnurými/fjarvinnuaðstöðu (e. co-working space) fyrir Akurnesinga í sama húsnæði sem geta þá sparað sér ferðina til að sækja vinnu nokkra daga í viku.

Í þessum húsum verða jafnframt starfrænar smiðjur (e. Fab Lab). Með þessu fæst kvikt umhverfi sem nýtist öllum og styður við frekari uppbyggingu á svæðinu, í sjávarútvegi og öðrum greinum. 

​

2. Vesturvík - Heilsuhótel & heilsugarðar

Hugmyndir hafa komið um heilsuhótel á svæðinu með áherslu á endurhæfingu og endurstillingu við sjó í samvinnu við Heilbrigðisstofnun Vesturlands og aðrar heilbrigðisstofnanir. Aðstaðan myndi styðja við sýn Akraneskaupstaðar um að vera miðstöð sjóbaða á Íslandi

3. Lambhús - Íbúðir í bland við skrifstofurými og aðra þjónustu

Húsnæði fyrir alla aldurshópa en þar sem þó megin markhópurinn yrðu einstaklingar sem nálgast eftirlaunaaldur. Í bland við íbúðahúsnæði yrði einnig skrifstofurými sem og veitingastaðir og önnur þjónusta.

4. Ferðaþjónusta - Afþreying við sjó

Byggja upp ferðamannaaðstöðu sem styður við ferðamálastefnu Akraneskaupstaðar og sýn um að vera miðstöð sjóbaða á Íslandi. Lagt yrði upp með að öll afþreyingarþjónusta og veitingahús væri í samræmi við og ýti undir sjávarútvegs-og heilsutengda menningu svæðisins.